WM auf Saarländisch! Es große Abenteuer Schina kann beginne!! - auf besonderen Wunsch von Sebastian Staab 10.11.2014(BVS Team)
Am letschte Arwitsdah vorm 3 wöchige Urlaub kann mich normal nix schocke, awer dies mo wars annersch . Ich han mir uf de Arwit bei ra ziemlich bleed Bewegeung 3 Bruschtwirbel ausgerenkt . ,,Na super '' han ich mir gedacht. ,, En Dah vorm Abfluch no Schina zu de Weltmeschterschaft so e Quatsch ...'' Ich bin nadirrlich direkt zum Orthopäde gefahr zum inrenke - alles nommo gudd gang . En Dah später war dann ach schun de Abflug no Peking mim Zwischestopp in Moskau un gleichzeitisch war a noch mei Gebortsdah . Mei Rigge war zwar noch net ganz fit , awer ich hott jo noch gudd 3 Dah bis zum erschte Spiel . In Peking ankomm ging mei Anti-Lauf dann ah grad schun weider . Mei Gepäck hat noch in Frankfurt geleh un kenner konnt ma sahn wanns dann nohkommt .... ich war nadirrlich ziemlich beunruhischt , denn ohne Queue e WM spiele werd net so spassisch . En Dah später isses dann doch noch ankomm un ich konnt meine Teamkollesche Entwarnung gebbe . Ach meinem Rigge gings schun widder besser un somit konnt ich mich voll un ganz uf die nächste Ufgabe bei de WM konzentriere . Wie die Partien geloff sinn , is mittlerweile jo schun bekannt . Mit meinem Uftritt konnt ich sehr zufriede sinn . Sowohl im Enzel als ach im Mixed han ich rescht konschdant geschpielt . Gemeinsam mim Ina stellte das gemischte Doppel e echti Bank für unser Team dar . Ausser gehe Japan verliess uns bissl es Klick . Nadirrlich hamma alle von de Medaille geträumt un im Shoot-Out se verliere , is ah echt bitter . Alles in allem hamma uns awer nix vorzuwerfe un han als Mannschaft / Team e subba geiles Turnier geschpielt . Fünftbeschtes Team uf de Welt herrt sich jo garnet soooo schlecht an . Bedanke möcht ich mich noch bei meine Teamkollesche Ralf Souquet , Thorsten Hohmann und Ina Kaplan für dieses unvergessliche Erlebnis un die subba Unnerstützung vor Ort . Hoffentlich uf e neies in zwe Johr .!! Nohm Turnier-Aus hotte ma noch zwe freie Dah bis zum Rickfluch un das war die Gelechenheit noch e Trip uf die Schinesisch Maurer zu starte . Noh zwe Stunn wannere uf de Maurer , hat ah langsam de Marche angefang zu knurre und die Hitz un extrem Luftfeuchtigkeit hat a schun ihr spure hinnerloss . An de Seilbahn ankomm , hamma dann gesiehn das do a e Rodelbahn bis ins Thal runnerführt . Mei Österreichischer Spezi Jürgen Jenesy un ich ware uns direkt einisch , dass es do kenn annerer Wech runner gebbt als mit de Rodelbahn .! Alles uf de Actioncam ufgenomm , sinn ma mit einem fette Grinse sowie gesund un unverletzt unne wieder ankomm . E geili Gaudi un e grossartischi Entschädigung für de Fussmarsch (un de knurrende Marche ) . Ich muss schun sahn , es is schun was besonneres einmol uf de Schinesisch Mauer stehn zu derfe . Erwähne will ich noch mei Sponsore ohne die e solchi WM - Teilnahme niemols möglich gewehn wär . Vielen Dank an mei Verein PBC Joker 89 Altstadt , Dynamic Billard , Billard Verband Saar , EAS Automaten , WoEb un noch meinem heimische Fussballverein dem SV Altstadt der mich immer tatkräftisch unnerstützt und bei dem ich immer noch gere ab un zu mol die Fussballschuh anzieh . Danke euch allen . Ist auch in der neuen Touch zu finden .
|